|
II Foro internacional cidade, territorio e urbanismo [CITUR2008] |
|
Domingo, 16 de Novembro do 2008 |
|
 Os vindeiros días 3, 4 e 5 de Decembro celebrarase no Pazo de Congresos e Exposiciós de Santiago de Compostela a segunda edición do Foro internacional cidade, territorio e urbanismo [CITUR2008]. Baixo do título “A cidade, de novo global” desenvolverase en catro bloques temáticos diferenciados:
• A cidade en rede.
• A cidade fronte outras.
• A cidade de cidades.
• A cidade de arquitecturas. Diste xeito, as xornadas pretenden ofrecer unha aproximación paulatina ás diversas configuraciós de redes urbanas que supoñen unha redefinición do territorio e da cidade, como punto de partida pra expoñer novas estratexias de ordenación territorial, modos de defini-la cidade contemporánea dende parámetros alternativos e reflexionar sobor da inserción de novas arquitecturas na cidade consolidada.
Contará coa participación dos conferenciantes de recoñecido prestixio como os arquitectos Manuel Solá Morales, Andreas Faludi e José María Ezquiaga, os sociólogos Alain Bourdin e José Miguel Iribas, os xeógrafos Stephen Graham e Edward W. Soja, o enxeñeiro Dino Borri e o filósofo Francisco Jarauta, entre doutros.
Está organizado conxuntamente pola Dirección Xeral de Urbanismo da Xunta da Galiza e o Colexio Oficial de Arquitectos da Galiza, coordinado por Andar Quatro Arquitectura e avalado polas tres Universidades galegas. Máis información en www.citur.org. |
|
Última actualización ( Domingo, 16 de Novembro do 2008 )
|
