Sae o segundo número da revista cultural e turística do concello de Sandiás, A Torre do Castro, coa lembranza do quincuaxésimo cabodano do inicio das obras de desecación da Lagoa da Antela.

Hai cincuenta anos, no 1958, comezaban as obras de desecación da Lagoa da Antela. Iste aniversario é o eixo do segundo número d'A torre do castro, a Revista Cultural e Turística do Concello de Sandiás. Lendas, biodiversidade, feitos históricos e unha reportaxe sobre o novo Centro de Interpretación diste espazo compoñen o groso da entrega desta publicación municipal.

Máis información en CulturaGalega.org e no web do Concello de Sandiás.

Do 21 ao 24 de xullo terá lugar en Allariz o curso de verán VIVENDA E ESPAZOS DE RELACIÓN NOS NÚCLEOS  TRADICIONAIS DE GALICIA. (2 CRÉDITOS DE LIBRE CONFIGURACIÓN POLA UNIVERSIDADE DE A CORUÑA).

Obxectivos:
Tendo en conta que a planificación de intervención nos cascos históricos centranse  fundamentalmente nos edificios,  esquecendo en moitas ocasións os espazos públicos e a relación cos territorios circundantes. Diriximos as intencións deste curso  a estes, en canto que conforman os auténticos escenarios de relación social e convivencia.

Dende dúas perspectivas:
1.- A redacción das normativas urbanísticas axeitada a estes e a propia intervención nos espazos.
2.- Laboratorios de traballo: núcleos de Allariz, propostos pola Oficina de Rehabilitación, de modo que o resultado das actividades  realizadas resulte útil para futuros traballos  do Concello. Serán pois, prácticas reais e non simples exercicios de curso. Complementarias das ensinanzas recibidas na Universidade que ao tempo xerarán debates que nos aproximarán  a unha visión integral das especificidades dos núcleos de Galicia e ao seu entorno, aprendendo do que existe e que queremos conservar para traspoñelo ao resto do territorio.

Temas a estudar:
- Tipoloxías arquitectónicas.
- Tipoloxías construtivas- patoloxías.
- Os detalles construtivos.
- Construcións adxectivas.
- Espazos públicos nos núcleos, relación cos espazos privados e elementos definitorios destes.
- Os motivos da desaparición dos espazos de relación.
- Camiños e vías.
- Toponimia.
-  As normativas urbanísticas nos núcleos rurais.
-  Os crecementos e transformacións nos núcleos rurais.